Оваа композиција беше специјално напишана за Millennium Jazz Orchestra воден од Јоан Рајндерс, изведена на Џез Фестивалот во Енсхеде, Холандија во мај 2009 год. Солисти на оваа изведба се: Дирк Балтхаус (пијано) и Винсент Вејнеман (тромбон).

Оваа композиција беше изведена со Pophorn Big Band во Хелсинки, Финска, 2004-та година (концертна турнеја под наслов: “Европска Џез Унија”). Музичарите кои ќе ги чуете на оваа снимка се водени од Велу Халкосалми, голем композитор и аранжер од Финска, еден од соучесниците во Аранжерската Работилница 2003 со Метропол Оркестарот во Хилверсум, Холандија. Само неколку месеци порано, оваа композиција доби прва награда на фестивалот BargaJazz 2003 во Италија.

Беше големо задоволство да се води овој Биг Бенд состав на Амстердамскиот Конзерваториум. Солисти на оваа снимка се Хенинг Грамбов (ел. пијано) и Мортен Сандхолт (тенор саксофон). Оваа композиција исто така доби прва награда на фестивалот Scrivere in Jazz 2006 во Сардинија.

Ова е еден од наградените аранжмани на една позната композиција од Телониус Монк (види Награди), исто така изведена од Биг Бендот на Амстердамскиот Конзерваториум. Солисти на оваа снимка се: Израел Морено (вибрафон) и Сун Јонг Ли (контрабас).

Ова се две оригинални композиции кои ги изведовме со “Аранжерскиот Дектет” на Амстердамскиот Конзерваториум.

 

Медитативна композиција изведена со Official Language (Срѓан Ивановиќ – тапани, перкусии; Михаил Иванов – бас; Димитрис Цакас – саксофони; Владимир Николов – пијано, гитара).

“Одблизу” е композиција напишана за Project Band ансамблот (моментално преименуван во “Trojka”) основан во Македонија во 1998 година, заедно со мојот драг пријател композитор и пијанист, Александар Пејовски и виолончелистот Драган Гоневски.