Оваа композиција беше изведена со Попхорн Биг Бендот во Хелсинки, Финска, 2004-та година (концертна турнеја под наслов: “Европска Џез Унија”). Музичарите кои ќе ги чуете на оваа снимка се водени од Велу Халкосалми, голем композитор и аранжер од Финска, еден од (со)учесниците во Аранжерската Работилница 2003 со Метропол Оркестарот во Хилверсум, Холандија.

Беше големо задоволство да се води овој Биг Бенд состав на Амстердамскиот Конзерваториум (снимката која ќе ја чуете е дел од мојот дипломски испит по џез-композиција и аранжирање). Имав среќа да добијам помош од големиот бас тромбонист Ерик ван Лиер, кој едноставно ми го отстапи овој Биг Бенд да работам сам со него една недела.